धोकादायक गुटखा

भारतामध्ये तंबाखू आणि सुपारी या गोष्टींचा सेवन करणे ही पद्धत बऱ्याच शतकांपासून सुरू आहे; मग ते हुक्का च्या स्वरूपात असू दे किंवा पानाच्या स्वरूपात …तंबाखू आणि सुपारीचे दुष्परिणाम लक्षात यायला लागल्यावर विसाव्या शतकात त्याबद्दल बरीच जनजागृती झाली. सिगरेट आणि तंबाखू बद्दल बऱ्यापैकी जनमत तयार होत असताना , साधारण 30 वर्षांपूर्वी तंबाखूच्या छोट्या भावाचा जन्म झाला . त्याचे नाव “गुटखा”…. ज्यात तंबाखू सोबत वेगवेगळे घटक नशा वाढवण्यासाठी घातलेले असतात. गुटखा रेडिमेड छोट्या  पॅकेटमध्ये उपलब्ध असल्यामुळे व पटकन कुठेही नेण्यासारखा असल्यामुळे लवकरच लोकप्रिय झाला. तंबाखू मध्ये  धोकादायक आणि नशा निर्माण करणारे  निकोटीन हे द्रव्य असतं मात्र गुटख्यामध्ये मात्र हजारो धोकादायक रसायने असतात; ज्यापैकी 28 कॅन्सरला कारणीभूत ठरणारी असतात…

 गुटखा -तंबाखू खाणाऱ्यांमध्ये कॅन्सर होण्याची शक्यता 400 पटीने वाढते .